Home Receta Gatimi Sallatë festive

Sallatë festive

378
0
SHARE

Përbërësit:
500 gr filetë pule
300 gr kërpudha
250 gr majonezë
250 gr bizele
200 gr djathë kaçkavall
7-8 kokrra vezë (të ziera)
2 thelpinj hudhër
50 gr arra
kopër
kripë.

Përgatitja:
Fillimisht ziejmë bizelet në ujë të vluar me kripë për 5 minuta. Më pas i kullojmë dhe i vendosim në ujë të ftohtë.

Ziejmë filetat e pulës dhe më pas i presim në kubikë të vegjël duke i vendosur në fund të një tasi të tejdukshëm.

Grijmë arrat në copëza të vogla, gjithashtu dhe hudhrën.

Trazojmë arrat me hudhrat dhe me 3 lugë gjelle majonezë.

Me këtë masë mbulojmë sipërfaqen e kubikëve të mishit të pulës.

Presim vezët e ziera në feta dhe me to rrethojmë komplet tasin. Më pas shtojmë kërpudhat të kavërdisura më parë me pak vaj ulliri.

Pjesët anësore të të bardhave të vezëve i grijmë në rende, duke i trazuar me pak majonezë.

E vendosim dhe këtë shtresë dhe e mbulojmë të gjithë sipërfaqen me bizele.

Përsëri rrethojmë anët e tasit me fetat e vezëve duke shtuar djathin e grirë.

E spërkasim me pak majonezë duke e mbuluar në fund sipërfaqen me pak të bardhë dhe të verdhë veze të grirë.

E dekorojmë me disa kokrra bizele dhe kopër. Në qendër për dekor vendosim pak spec të kuq ose domate në vaj.

Ju befte mir!

Subscribe
Notify of
0 Komente
Inline Feedbacks
View all comments