Ballina Lajme Konfirmon Haradinaj: Kosova e mori lajmin e shumëpritur për liberalizim

Konfirmon Haradinaj: Kosova e mori lajmin e shumëpritur për liberalizim

279
0
SHPËRNDAJE

Kryeministri i Kosovës Ramush Haradinaj ka konfirmuar se Kosova ka marrë tashmë lajmin e shumëpritur për liberalizim të vizave.

Ai në rrjetin social facebook ka thënë se populli i Kosovës me shumë arsye i gëzohet sot rekomandimit pozitiv të Komisionit Europian, për lëvizje të lirë në vendet e BE-së, duke u vlerësuar i barabartë me të gjithë qytetarët tjerë të rajonit dhe ata europianë.

Ai ka shtuar se ky është një hap drejt lëvizjes së lirë dhe përafrimit me familjen e madhe europiane!

Lexoni njoftimin e plotë të kryeministrit.

Kosova mori lajmin e shumëpritur për hapjen e rrugës drejt lëvizjës së lirë dhe përafrimit me familjen e madhe europiane!

Populli i Kosovës me shumë arsye i gëzohet sot rekomandimit pozitiv të Komisionit Europian për lëvizje të lirë në vendet e BE-së, duke u vlerësuar i barabartë me të gjithë qytetarët tjerë të rajonit dhe ata europianë.

Me shumë përkushtim dhe vizion Qeveria që unë drejtoj, pergjatë tërë këtyre muajve, ka punuar pa u kursyer, në përmbushjen e kritereve të fundit të BE-së.

Duke qenë të vetëdijshëm për sfidat, do ta intensifikojmë luftën kundër korrupsionit dhe krimit të organizuar dhe fuqizimin e vazhdueshëm të sundimit të ligjit, me bindjen se Parlamenti dhe Këshilli Europian do të përfillin rekomandimin e Komisionit dhe qytetarët kosovarë do të lëvizin pa viza.

Liberalizimi për Kosovën do të diskutohet deri në fund të gushtit në Parlamentin Europian, kurse i tërë procesi pritet të përmbyllet deri në fund të vitit.

Nga ana tjetër komisionari evropian, për zgjerim Dimitris Avramopoulos në 16:45, do ta  mbajë konferencën ku  do të konfirmoj zyrtarisht vlerësimin pozitiv për Kosovën shkruan GazetaBlic.

Edhe presidenti i vendit, Hashim Thaçi përmes një shkrimi në llogarinë e tij në Facebook, ka paralajmëruar se nga 16:30, ai së bashku me Komisionarin e BE-së për Migrim, Çështje të Brendshme dhe Shtetësi, Dimitris Avramopoulos do të dalin me një konferencë të përbashkët.

Subscribe
Notify of
0 Komente
Inline Feedbacks
View all comments