Kosovë, Lajme

Kërcënon burri i Albulena Haxhiut: Tradhtarët e VV-së, ti dorëzojnë mandatet

Alban Krasniqi, bashkëshorti i deputet së Lëvizjes Vetëvendosje Albulena Haxhiut ka dhënë një varg akuzash sot për të larguarit nga Lëvizja Vetëvendosje.
Krasniqi i ka quajtur tradhtarë të gjithë ata që janë larguar nga Lëvizja Vetëvendosje, dhe ka kërkuar nga ta që ti dorëzojnë edhe mandatet e tyre që i fituan sipas tij në emër të VV-së.
Krasniqi ka thënë se nëse mandatet nuk dorëzohen anëtarësia e kanë të drejtën legjitime ti rimarrin votat dhe angazhimin e tyre ndaj këtyre individëve pa marrë parasysh mjetet.
“Si Shpendi ashtu edhe secili deputet që tradhton Lëvizjen VËTËVENDOSJE! si organizim, koncept dhe program duhet ti dorëzojnë mandatet e tyre!
Në të kundërtën votuesit dhe anëtarësia e kanë të drejtën legjitime ti rimarrin votat dhe angazhimin e tyre ndaj këtyre individëve pa marrë parasysh mjetet. Vetëm kështu ndërtohet standard i ri në politikën e Kosovës ku pamundësohet që të premtohet vlera e pas zgjedhjeve të kthehen në antivlera, pa kokrrën e kokëçarjes dhe pa trohën e frikës nga tradhtia ndaj votuesve ndaj qytetarëve e mbi të gjitha ndaj kauzës.” ka shkruar Krasniqi.

Asnjë nga të larguarit nga Lëvizja Vetëvendosje nuk kanë dorëzuar edhe postet, qoftë të deputetit qoftë të kryetarit të komunës.

Subscribe
Notify of
0 Komente
Inline Feedbacks
View all comments

ads

Ads