Ballina, Lajme

Dalin pamjet: Këto janë serbet që lobuan në INTERPOL kundër anëtarësimit të Kosovës

Për më shumë se katër orë, ministri i Punëve të Jashtme, Behgjet Pacolli, u është përgjigjur pyetjeve të deputetëve të Komisionit për Punë të Jashtme, ditën e mërkurë.

Në këtë raportim, kreu i diplomacisë kosovare është përgjigjur për dështimin e anëtarësimit të Kosovës në Interpol dhe lajmet se disa shtete kanë tërhequr njohjet e tyre.

Me këtë rast ai ka konfirmuar se Kosova do të aplikojë edhe në vitin 2019 për t’u bërë anëtare e Interpolit.

Pacolli ka folur edhe për mos anëtarësimin e Kosovës në Interpol, ku ka thënë se Kosova ka bërë një punë të madhe, por sipas tij lobimi që ka bërë Serbia ka ndikuar te disa shtete. Ai ka marrë edhe një shembull se si shteti serb ka ndikuar te shtetet për mos anëtarësimin e Kosovës në këtë institucion të sigurisë.

Sipas tij, Serbia angazhoi vajza të bukura për të lobuar kundër Kosovës në Interpol.

E për këtë, Ballkani.info ka siguruar video ku femrat serbe në ditën e votimit në Asamblenë e Përgjithshme të Interpolit në Dubai, shihen duke u “shëtitur” nëpër sallë.

Serbet mbajnë në duar një listë, ndërsa gjatë gjithë kohës shikojnë se të kush duhet të shkojnë.

Ato i përcjellin në mënyrë konstante pjesëmarrësit e Asamblesë, duke u afruar herë të njëri e herë të tjetri.

Kjo është dëshmia më e qartë se si Serbia zhvilloi lobimin në Interpol për të parandaluar anëtarësimin e Kosovës.

Të kujtojmë se Serbia për lobim kundër Kosovës i ka investuar deri më tash plot 32 milionë euro.

Subscribe
Notify of
0 Komente
Inline Feedbacks
View all comments

ads

Ads