Ballina Lajme Kosovë Anton Quni i përgjigjet Haradinajt: Dëmtimet në fytyrë i kam për shkak...

Anton Quni i përgjigjet Haradinajt: Dëmtimet në fytyrë i kam për shkak të luftës

332
0
SHPËRNDAJE

Deputeti i LDK-së, Anton Quni, i është kundërpërgjigjur nënkryetarit të OVL-UÇK-së, Nasim Haradinaj, pasi ky i fundit tha se zyrtari i partisë së Mustafës, asnjëherë nuk ishte plagosur në luftë. Quni për Express thotë se dëmtimet në fytyrë i ka si pasojë e angazhimit gjatë luftës në Kosovë, ndërkaq e thekson se nuk ndihet aspak keq për shenjat në fytyrë, pasi thotë se ka qenë aty kur vendi ka pasur nevojë

Nënkryetari i Organizatës së Veteranëve të Luftës, Nasim Haradinaj, deklaroi mbrëmë se Anton Quni nuk është plagosur kurrë në luftë, teksa reagoi ndaj njerëzve që ai tregon se kanë thënë që deputeti i LDK-së është i plagosur në luftë.

“Anton Quni ka qenë një komandant batalioni. Mu më ka shkru njëri në Facebook, më ka thënë: ‘A të vjen marre me fol për Anton Qunin. Ai sa herë del para pasqyrës i sheh plagët e tij’. Kurrë Anton Quni nuk është plagosur në luftë. Kurrë!”, ka thënë Haradinaj.

Por këtyre pretendimeve të Haradinajt, Quni ka zgjedhur t’u përgjigjet me shumë fotografi të cilat dëshmojnë se ku ka qenë në periudhat dhe vendet e ndryshme gjatë luftës.

Deputeti i LDK-së thotë për Express se nuk do t’i kishte vragat në fytyrë po të mos kishte qenë pjesë e luftës.

Po, dëmtimet në fytyrë i kam si pasojë e angazhimit tim në UÇK. Po të kisha qëndruar larg vijave të frontit, granatimeve, zonave të kontaminuara, të ftohtit dhe kushteve ekstreme për jetë, sot nuk do t’i kisha vragat në fytyrë”, u shpreh Quni.

Ai tha se nuk ka aplikuar për invalid të luftës pasi ndihet 100 për qind mirë me shëndet. Zyrtari i partisë së Isa Mustafës tregoi edhe pozitat që i ka pasur gjatë luftës në Kosovë.

“Nuk kam aplikuar për invalid të luftës, sepse, ndihem 100% mirë me shëndet. Gjatë luftës kam kryer këto detyra: Komandant i Batalionit Diverzanto Vëzhgues-Shef i Operatives në GO-3 (br 131, br 134, BDV-Shef i Shtabit të Brigades 138 “Agim Ramadani” Vrragat dhe detyrat nuk më bëjnë të ndihem keq, e as ndryshe nga të tjerët, përkundrazi, janë dëshmia që barti se unë isha aty ku dhe kur vendi ynë kishte nevojë për mua”, ka shtuar ai.

Quni së fundmi kishte qenë i ftuar në emisionin “Pressing” ku ka folur për vrasjen e kolonelit Ahmet Krasniqi, ish-ministër i Mbrojtjes. Fajtorët ai i kërkoi te rivalët politikë.

Ndërkohë që edhe për Express, Quni thekson se në ditën kur është kryer atentati ndaj ministrit të Mbrojtjes, kol. Ahmet Krasniqi, ai nuk ishte në veturën e tij, as në darkën e përbashkët, as në Tiranë.

“Atë kohë unë isha më njësinë time në kufirin Shqipëri/Kosovë”, ka përfunduar ai. /Express

Subscribe
Notify of
0 Komente
Inline Feedbacks
View all comments